Kjo që po ndodhë në FSK është më së paku meritë e kësaj qeverie.
Kështu u shpreh opinionisti Dardan Sejdiu në Rubikon me Adriatik Kelmendin.
Ai tha se në kohën kur është miratuar ligji për transformimin e FSK-së në ushtri, është miratuar edhe definuar edhe buxheti për 10 vitet e ardhshme.
“Kur është transformuar FSK-ja me ligj, ka qenë e pamundur t’i bëjë ai kryeministër në atë kohë, dhe secili pas tij, 360 milionë euro buxhet, por është definuar hapi për secilin vit sa duhet me qenë buxheti, është definuar në marrëveshjen që është bërë për ta transformuar FSK-në në ushtri. Pra kur është bërë marrëveshja, është bërë plani 10-vjeçar ku janë definuar saktë shifrat vjetore sa duhet të ketë buxhet për armatosje të FSK-së. Çka mund të bëjë një qeveri është të shtojë buxhet, por jo medoemos do t’i shpenzojë. Mund të thotë se po i qes 360 milionë, por jo medoemos do t’i shpenzojë sepse varet shumë prej sa është në përputhje me marrëveshjen që e kemi bërë kur e kemi transformuar FSK-në në ushtri”, deklaroi Sejdiu.
