Gani Jakupi, artisti i shumëpërfolur që është angazhuar si lobues nga Ministria e Punëve të Jashtme të Kosovës, për një shumë të lartë parash, ka folur për njohjen e pasaportës së Kosovës nga Spanja.
“Seems like Spain has come te senses!”, ka shkruar ai që mund të përkthehet si “Duket se Spanja përfundimisht erdhi në vete”.
Deputetja e shumicës parlamentare nga radhët e Partisë Guxo i ka dhënë merita edhe Gani Jakupit që Spanja ka njohur pasaportën e Kosovën.
“Dikur projekte lobuese milionëshe për ndarjen e Kosovës, sot projekte lobuese për bashkim të Kosovës së pa ndarë me perëndimin.
Opozita që dikur paguante për projektin e ndarjes së Kosovës u ngrit në këmbë për pagesën ndaj Gani Jakupit që lobon e ndihmon Republikën në Spanjë.
Por, sot pas këtij lajmi a thua çfarë do të thonë. Pra, qenka e mundur të paguhesh nga vendi e t’i shërbesh njëmend atij. Ja një pjesë e rezultatit.
Vazhdojmë!”, ka shkruar ajo.
