Deputetja e PDK-së, Blerta Deliu-Kodra, mori pjesë në protestën e thirur nga AGK-ja dhe shoqëritë civile ndaj vendimit të MINT-it për Klan Kosovën.
Deliu-Kodra, potencoi se ka dalë në protestë për t’u solidarizuar me kolegët, pasi siç tha ajo, para angazhimit në politikë ka qenë pjesë e gazetarisë.
“Para së gjithash bashkë me ish-kolegët, para angazhimit tim në politikë, kam qenë gjatë pjesë e gazetarisë, e ndjej situatën të cilën janë sot gazetarët, kam folur për fjalën e lirë që rëndësinë që ka dhe Kosova të sigurojë një ambient të lirë për media, jam këtu për t’u solidarizuar me kolegët e mi dhe për të protestuar në këtë marsh ndaj vendimit të fundit të qeverisë”, u shpreh Kodra-Deliu.
Ndryshe, protesta ka përfunduar e qetë.
