Njohësi i çështjeve të sigurisë, Agim Musliu ka reaguar lidhur me dorëheqjen e Alleksandar Vullinit nga posti i drejtorit të inteligjencës së Serbisë.
Përmes një postimi në platformën “X”, Musliu ka thënë se problemi i Serbisë nuk është Vullin por sipas tij, është ai që e ka emëruar atë, presidenti serb, Aleksandar Vuçiq.
“Ky problem do të zgjidhet me dorëheqjen e Vuçiqit”, ka thënë Musliu.
Sipas tij, drejtori tjetër i BIA-s do të jetë i njëjti, sepse i njëjti është edhe Vuçiq.
Shefi i Agjencisë për Siguri dhe Informacion të Serbisë, Alleksandar Vullin, ka dhënë dorëheqje nga kjo pozitë.
Këtë e ka konfirmuar vetë ai nëpërmjet një njoftimi.
