Drejtori i IKSHPK: Koronavirusi “shpërthen” në dy javët e ardhshme, qytetarët e kanë tani në dorë situatën

 

Drejtori i IKSHPK-së, Naser Ramadani në një lidhje direkte ka thënë se dy javët e ardhshme janë javët vendimtare për luftën ndaj koronavirusit.

Qytetarët sipas tij duhet t’iu përmbahen masave të ndërrmara nga Ministria e Shëndetësisë.

   

   

Ramadani ka thënë se tanimë situate varet vetëm nga qytetarët, se sa kanë kujdes ata dhe sa qëndrojnë të mbyllur në shtëpi.

“Ne me këtë ritëm po e mbajmë, duke e frenuar me një fre duke bërë xixa. Ky fre mund të ndalet në dy javët e ardhshme.

Përgatitjet janë bërë qe një muaj e gjysmë. Sot dhe dy javë e tutje të jeni të përmbajtur sepse virusi nuk ka këmbë, mos ia jepni këmbët virusit që të vij tek ju.

Shpërthimi epidiomologjik ndodh në dy javët e ardhshme, “loja” tashmë mbetet tek qytetarët e Kosovës”, ka thënë ai.

Deri tani në Kosovë janë 28 persona të prekur me koronavirus./IndeksOnline/

 

——————————————–
Ju pëlqeu “Drejtori i IKSHPK: Koronavirusi “shpërthen” në dy javët e ardhshme, qytetarët e kanë tani në dorë situatën”?
Komentoni ose shpërndane me shoqëri.