Drejtori i Institutit KIPRED, Lulzim Peci ka reaguar ndaj rastit të kidnapimit të tre policëve në Leposaviq.
Ai ka thënë se akti i kidnapimit të tre policëve është akt i rëndë i shkeljes së sovranitetit dhe provokim i konflikti të hapur ndaj Kosovës nga ana e Serbisë.
Tutje, Peci shtoi se këto veprime po bëhen meqë Kosova po shkon pashmangshëm drejt izolimit ndërkombëtar, dhe përmes lëvizjeve të tilla synon ta shtyjë projektin e ndarjes së Kosovës.
Në postimin e publikuar në facebook,Peci thotë se nëse nuk sanksionohet Serbia për këto veprime, atëherë konflikti i hapur mund të kthehet në një realitet të rëndë.
Reagimi i plotë:
“Kidnapimi i tre policeve nga Serbia eshte akt i rende i shkeljes se sovranitetit dhe provokim i konfliktit te hapur ndaj Kosoves.
Kete Serbia eshte duke e bere me qellim, pasi eshte duke e verejtur se Kosova eshte duke shkuar pothuajse pashmangshem drejte izolimit nderkombetar, dhe per ta shtyer projektin e saj te ndarjes se Kosoves.
Mirepo, nese Serbia nuk sanksionohet nga perendimi per keto akte destabilizuese, potenciali i konfliktit te hapur mund te kthehet nga nje pamundesi ne nje realitet te rende!”
