Sot me fillim nga ora 16:00 do të mbahet ceremonia mortore e dy vajzave që vdiqën dje në aksidentin e djeshëm në Ranillug.
Lajmi u bë i ditur nga familjarët e Antiana Thaqit dhe Arbnora Bashës.
“Ju njoftojmë se varrimi i Arbnora Bashës bëhet sot ( 15 mars 2025,e shtunë) në ora 16:00 në varrezat e fshatit Hodonoc, ndërsa varrimi i Antiana Thaqit bêhet poashtu sot ( 15 Mars 2025,e shtunë ) në ora 15:00 në fshatin Muçivërc”, thuhet në njoftim.
Pos dy viktimave, është edhe një grua tjetër e cila u lëndua në këtë aksident dhe e njëjta po merr trajtim në spitalin e Gjilanit.
Ngjarja tragjike ndodhi të shtunën në rrugën Domoroc- Hodonoc të komunës së Ranillugut.
Fillimisht, policia njoftoi për vetaksident, por pas këqyrjes së kamerave dhe mbledhjes së provave të tjera, policia tha se kishte qenë një aksident mes veturës dhe një kamioni.
