Inspektorati Policor i Kosovës i ka rekomanduar policisë suspendimin e një togeri policor.
Deri te rekomandimi, sipas IPK-së, ka ardhur pasi togeri dyshohet për manipulimin e orëve shtesë të punës.
“Hetuesit e IPK-së në konsultim të vazhdueshëm me prokurorin përgjegjës pritet të ndërmarrin edhe veprime të tjera hetimore lidhur me këtë rast për të sqaruar rrethanat e këtij rasti”, thuhet në njoftim.
Më tej, bëhet e ditur se togeri që dyshohet se manipuloi me orët shtesë të punës ka kryer veprën penale “keqpërdorim i pozitës apo autoritet zyrtar”.
