Analisti Halil Geci, thotë se Edi Rama është “tradhtar modern që po i shërben Vuçiqit dhe Dodikut”.
Geci përmes një shkrimi në Facebook, shkruan se kryeministri shqiptar, Edi Rama ka po luan një rol të rrezikshëm kundër interesave të Kosovës.
“Edi Rama, i njohur për lidhjet e tij të ngushta me Vuçiçin dhe Dodikun, po luan një rol të rrezikshëm kundër interesave të Kosovës. Që nga marrëveshja e Nishit, ai ka vepruar si një bashkëpunëtor besnik i projekteve antishqiptare në rajon, duke u rreshtuar krah për krah me ata që historikisht kanë synuar copëtimin e trojeve shqiptare.
Milorad Dodik deklaron hapur se Veriu i Kosovës është “shtet” dhe se Asociacioni nuk mund t’i shmanget marrëveshjes së nënshkruar nga institucionet e Kosovës. Ndërkohë, në vend që ta kundërshtojë këtë retorikë të rrezikshme, Edi Rama vjen në Kosovë për të mbrojtur figurat e korruptuara si Hashim Thaçi dhe grupet e tij, me synimin e qartë për ta rrëzuar Albin Kurtin dhe për ta imponuar Zajednicën”, ka shkruar Geci.
Tutje, sipas tij, treshja Rama, Vuçiq dhe Dodik, veprojnë si mekanizëm për të orkestruar dhe për të minuar sovranitetin e Kosovës.
“Kjo treshe – Rama, Vuçiç dhe Dodik – po vepron si një mekanizëm i orkestruar për të minuar sovranitetin e Kosovës dhe për të rikthyer skenarë destabilizues në Ballkan. Me qëllimet e tyre të përbashkëta, ata po tentojnë ta kthejnë Kosovën në një zonë të nënshtruar ndaj influencës serbe, duke vepruar si tradhtarë të interesave kombëtare shqiptare”, ka përfunduar analisti.
