Veriu i Kosovës, vazhdon të jetë ende një ‘pikë e nxehtë’, ku në vazhdimësi pritet se mund të shëprthejnë tensione, sulme e provokime.
Këtë e konfirmoi së fundmi edhe Kryeministri i Kosovës, Albin Kurt.
Kurti në një konferencë për media paralajmëroi se situata në veri të Kosovës mund të eskalojë sërish.
“Ajo çfarë na brengosë neve tash, më shumë sesa de-eskalimi, është potenciali i rieskalimit. Veçse rieskalimi nuk varet prej neve. Ju e keni garant Qeverinë e Republikës së Kosovës, organet tona shtetërore, mua si kryeministër që me asgjë, ama bash asgjë, asnjëherë, askund nuk kontribuojmë për eskalim”, ka deklaruar kryeministri Kurti.
Kurse, eksperti austriak, Gunther Fehlinger në një prononcim për “Bota sot”, muajin gusht e cilësoi si “muaj i rrezikut.
Sipas tij, disa strategë serbë po mbledhin fakte në veri të Kosovës për ta pushtuar veriun nga lumi Ibër.
“Gushti i vitit 2023 është muaji i rrezikut të madh për Kosovën
Serbia fatkeqësisht është e prirur për agresion dhe disa strategë në Serbi duan të grumbullojnë fakte në terren në veri të Kosovës duke pushtuar rajonin në veri të lumit Ibër gjatë gushtit, pasi ata shohin se Ukraina po fiton dhe Rusia po dobësohet çdo javë dhe me shpërbërjen e mundshme të shteti rus bazuar në precedentin e Jugosllavisë, nuk ka njeri që të mbështesë pretendimin e Serbisë ndaj Kosovës dhe vlera e bilancit të shantazhit për Perëndimin do të zhduket sapo humbja e Rusisë të jetë qartë dhe e dukshme më vonë në vitin 2023”, deklaroi eksperti austraik.
Krahas kësaj, Fehlinger potencoi se në muajin gusht mund të shpërthejë një luftë, ku shteti serb dëshiron ta pushtojë vetëm veriun, pasi tërë Kosovën nuk ka mundësi.
Eksperti austriak, Gunther Fehlinger
“Pra, gushti i vitit 2023 është opsioni i vetëm i mundshëm që Serbia ta ‘rifitoj’ veriun e Kosovës.
Gushti 2023 është muaji më i rrezikshëm për luftën në Ballkan që nga fillimi i gjithë krizës në vitin 2021
Për të qenë të qartë, Serbia do të përpiqet të ripushtojë të gjithë Kosovën, kjo është e pamundur dhe ata e kanë parë dështimin e luftës së Putinit në vitin 2022, por ushtarakisht ata mund të pushtojnë rajonin në veri të Ibrit dhe kjo nuk është asgjë që Kosova apo KFOR-i mund të bëjnë për ta ndalur, ata e bëjnë këtë në terma thjesht ushtarakë”, theksoi ai.
Më tej, eksperti austriak, parashtroi disa pika përmes të cilave mund të shmanget një luftë ‘gushti’’ në Ballkan.
“Prandaj është çelësi për t’i ndaluar ata politikisht në një strategji të dyfishtë për të kursyer kohë dhe për të shmangur një luftë gushti në Ballkan.
1. Kosova duhet të jetë pajtuese dhe të thërrasë zgjedhje të parakohshme dhe të mos bëjë asgjë që Serbia mund ta keqpërdorë si ‘casus belli’.
2. BE-ja dhe NATO-ja duhet ta kenë shumë të qartë presidentin serb se ai do të mbajë përgjegjësi personalisht për çdo akt ushtarak dhe do të përfundojë si Millosheviqi në Den Haag.
3. Publikut të Serbisë duhet t’i shpjegohen publikisht pasojat e luftës që do të thotë izolim i plotë dhe i plotë i Serbisë dhe serbëve në Evropë, pa financim, pa tregti, sanksione dhe bojkot dhe detyrim për vizë për Shengen dhe përfundimisht shpërbërje të Serbisë në rast lufte.
4. Ashtu si shpërbërja e Rusisë që vjen, Serbia do të shpërbëhet në 7 shtete të reja në rast lufte, Sanxhaku dhe Vojvodina, do të jenë të parat që do të shkojnë në rast lufte agresioni nga Serbia në gusht 2023.
5. Serbia duhet të jetë e sigurt për fatin tragjik që do të sjellë një luftë e re agresioni dhe të tregojë se asetet e rëndësishme ushtarake të SHBA-së duhet të vendosen në Adriatik dhe Detin Eagan tani”, shpjegoi Gunther Fehlinger për “Bota sot”.
Në fund, ai kishte edhe një porosi ku tha se “i këshilloj autoritetet e Kosovës të kenë kujdes, është më mirë të jenë të kujdesshëm këtë gusht pasi është muaji më i rrezikshëm që do të vijë që nga viti 2021 dhe tani duhen koka më të ‘freskëta’”.
