Eksperti i sigurisë, Drizan Shala, ka thënë se ushtria e Serbisë është në fazën përmbyllëse të një ushtrimi me përmasa të gjëra, i cili ka filluar me 8 prill dhe do të përfundojë me 21 prill.
Shala ka njoftuar se Serbia dronët kamikaze i ka blerë nga shteti i Iranit.
“Serbia dronët kamikaze i ka blerë nga shteti i Iranit, 1500 sosh, dhe do t’i shpalosë edhe dronët e fundit të cilët i ka prodhuar industria e saj e mbrojtjes, e cila sipas informacioneve diplomatike i referohet faktit që janë më të avancuar se dronët bajraktarë, në kontekstin e ikjes nga kapja e radarëve të mundshëm”, ka thënë Shala.
Sipas ekspertit të sigurisë, “jemi në një situate para një konflikti të armatosur sepse angazhimi i të gjitha komponenteve ushtarake nuk ka ndoshur që nga 99-ta”.
Shala ka thënë se që nga data 1 janar 2024, Serbia i ka mbajtur mbi 31 ushtrime të ndryshme fushore,3 vizita nga presidenti Vuqiq në reparte të ndryshme ushtarake, 9 vizita nga shefi i shtabit dhe 8 vizita të ndërmarra nga ana e zëvendës komandantit të shefit të ushtrisë së Serbisë.
Ai njoftoi se dronët kamikazë janë “dronë shaden (dëshmitari i 137), janë dronë të cilët kanë rreze veprimi, deri në 2 mijë kilometra, kanë mundësi edhe të godasin caqe të menduara paraprakisht, nuk mund të monitorohen gjatë lëvizjes së tyre në hapësirë, mirëpo përgatiten nga ekspertët ushtarakë”
Shpejtësia e tyre shkon deri në 120 km/h, mund të bartë nga 40-50 kg eksplozivë.
Si përfundim, Shala ka thënë se, kjo nuk do të thotë se Serbia do t’i përdorë këta dronë në këtë fazë në drejtim të Kosovës apo vendeve të tjera, por Serbia po tenton që humbjet e pësuara në nivelin diplomatik, debaklin sa i përketë rrugëtimit të Kosovës drejtë Këshillit të Evropës e dëshmon se Serbia po e përdor elementin ushtarak për ta mbajtur situatën të kontrolluar brenda sistemit politik.
