Emigranti i paligjshëm Ardi Pula mohoi çdo përfshirje, por policia përdori orën dhe datat në faturat e gjetura brenda pronës në rrugën Malvern për të kontrolluar kamerat e sigurisë e dyqaneve, ku tregohej se ai bënte blerje. Ndër artikujt e blerë ishin pajisje sigurie për të ndihmuar në mbrojtjen e pronës Holbeck.
Ai u burgos në Gjykatën e Kurorës së Leeds këtë javë. Policia kishte bastisur pronën në mëngjesin e 30 nëntorit të vitit të kaluar, ku zbuloi se bimët ishin zhveshur dhe tharë, së bashku me thasë me vakum të drogës së klasit B. Kishte një total prej 8.5 kg me një vlerë të përllogaritur në vlerë prej 85,000 £.
Edhe pse nuk kishte njeri në pronën me tre dhoma gjumi, ata gjetën një kartë identiteti false polake, një kartë identiteti greke dhe leje drejtimi të falsifikuar me foton e Ardi Pulës. Ata gjetën gjithashtu një portofol që përmbante emrin ‘Ardi’, 3000 £, rroba të stilistëve dhe faturat.
Pasi hoqi drogën, policia u largua nga prona dhe u kthye disa orë më vonë me shpresën për të kapur banuesin tek kjo pronë. Kur kaluan me makinë në orën 14:00, ata ndaluan pasi panë katër burra në kopsht, e njëri ishte Pula, i cili u arrestua.
Gjatë intervistës së 24-vjeçarit ai dha një deklaratë të përgatitur, duke pretenduar se punonte si pastrues, por mohoi të ishte banues brenda shtëpisë. Hetimet e mëtejshme sugjeruan se ai gjithashtu kishte dërguar më shumë se 6000 £ në Shqipëri. Ai më vonë pranoi se merrej me kanabis, posedim të pronave kriminale dhe posedim të dokumenteve false të identitetit.
Më gjyq, avokati tha se si shumë shqiptarë, Pula kishte ardhur në Mbretërinë e Bashkuar ilegalisht me shpresën për të gjetur punë legjitime dhe nuk kishte ndërmend të kthehej në rrugën e krimit. Por ai tha se Pula “ra në vështirësi ekonomike” dhe “u rekrutua” për të qëndruar në pronë dhe për t’u kujdesur për bimët ilegale.
Zoti Parsons tha: “Ai gjithmonë pranonte se po fitonte disa para nga kjo, por thotë se nuk ishte pronar i rritjes, por po paguhej për ta mirëmbajtur dhe mbrojtur kanabisin”.
Gjyqtarja Kate Rayfield e burgosi atë për 23 muaj dhe tha: “Në çdo këndvështrim, përfshirja juaj ishte e rëndësishme. Ne pamë se sa shumë para po dërgonit në Shqipëri. Nuk ishte domosdoshmërisht biznesi juaj, por ju u rekrutuan për të qëndruar dhe për ruajtjen e pronës me kanabis”.
