Presidenti i Serbisë Aleksandar Vuçiq pothuajse çdo ditë po hedh deklarata kërcënuese për Kosovën.
Mirëpo të njejtat deklarata ai pastaj po i mohon.
Ai kështu u shpreh edhe javë më parë por pastaj me veprime të tjera po bien ë kundërshtim me deklaratat e tij.
“Nuk na shkon mendja të marrim pjesë në diçka të tillë, kemi bashkëpunim të mirë me KFOR-in dhe komandantin e KFOR-it, Ozkan Ulutash”, kishte thënë më herët Vuçiq.
E në lidhje me këto kërcënime për “Bota sot”, ka folur deputetja e LVV, Arijeta Rexhepi.
Arijeta Rexhepi
Ajo tha Serbia po ëndërron dhe se këto kërcënime të vazhdueshme të Vuçiqit nuk janë asgjë përveç deklarata boshe.
Sipas saj, sulmi në Banjskë i bëri me dije Serbisë që Kosova mund të bëjë ballë sulmin me shumë profesonalizëm.
“Serbia është fatkeqësisht një vend i udhëhequr nga një autokrat, që ëndërron, imagjinon e glorifikon të kaluarën. Para disa vitesh, thoshte për Millosheviqin se qëllimet i kishte të mira, por mjetet e gabuara. Pra po tregon haptazi që nuk ka ndërruar forma, por mënyra se si i ndjek politikat e Millosheviqit. Sulmi i Banjskës dhe përfshirja e institucioneve të sigurisë serbe në këtë akt agresioni, veçse dëshmoi qasjen e Vuçiqit.
Por Republika e Kosovës i bëri ballë atij sulmi me profesionalizëm të lartë, i cili u vlerësua dhe u çmua dhe nga ndërkombëtarët. Sulmet e tilla duhet me patjetër të dënohen më ashpërsisht, në mënyrë që të njëjtat të mos përsëriten”, përfundoi deputetaj Rexhepi për “Bota sot”.
