Sot i është dhënë lamtumira e fundit aktorit ikonik të serialit “Friends”, Matthey Perry, teksa familjarë të tij, të afërm dhe miqtë e kolegët: Jennifer Aniston, Courteney Cox, Lisa Kudrow, Matt LeBlanc dhe David Schwimmer morën pjesë në funeralin tejet privat.
Kujtojmë se Perry u gjend i pajetë në shtëpinë e tij në Los Angeles, gati një javë më parë, ndërsa shkak i vdekjes së 54-vjecarit ende nuk është bërë me dije zyrtarisht, por rezultatet e para e përjashtojnë abuzimin me substanca narkotike.
Miqtë e afërt të aktorit, që ishin të pranishëm në funeral, dolën me një deklaratë të përbashkët pak ditë pasi ai ndërroi jetë, duke u shprehur:
“Ne ishim më shumë se thjesht kolegë. Ne jemi nje familje. Ka kaq shumë për të thënë, por tani do të marrim kohë për të përballuar këtë humbje të pamatshme. Me kalimin e kohës do të themi më shumë, si dhe kur të kemi mundësi. Tani për tani, mendimet dhe dashuria jonë janë me familjen e Matty-t, miqtë e tij dhe të gjithë ata që e donin atë në mbarë botën.”
