Shumë qytetarë janë ankuar se faturat e energjisë elektrike janë shumë të shtrenjta për këtë muaj.
Lidhur me këtë, ka reaguar anëtari i Lidhjes Demokratike të Kosovës, Berat Rukiqi.
Ai tha se faturat janë rritur për 80 për qind, sidomos gjatë sezonit dimëror.
“Të obsesionuarit me manipulim të sondazheve, i interesojnë vetëm shifrat fiktive të përkrahjes, por nuk i intereson rritja reale e kostos së jetesës, për qytetarët e vendit”, tha Rukiqi.
Rukiqi theksoi se krahas përqindjeve të rritjes së çmimeve ka edhe sanksione, izolim, ulje të investimeve kapitale e të tjera.
“Përnjëmend të tjerët duhet të na kenë lakmi: për manipulime dhe dështime kolosale”, theksoi ish-kryetari i Odës Ekonomike.
