Një përleshje mes disa personave raportohet se ka ndodhur më 25.11.2024 rreth orës 17:00, në rrugën ”Hil Mosi” në Prishtinë, ku dyshohet të jetë shkrepur edhe arma e zjarrit.
Policia ka njoftuar se ka persona të lënduar, të cilët janë dërguar për trajtim në Qendrën Kryesore të Mjekësisë Familjare.
Po ashtu, Policia ka njoftuar se lidhur me rastin janë arrestuar disa të dyshuar.
“Policia menjëherë ka dalë në vendin e ngjarjes dhe në mënyrë aktive ka vijuar punën e saj me veprime të ekzaminimit të vendngjarjes si dhe me veprime të tjera operativo-hetimore të cilat kanë rezultuar me identifikimin, lokalizimin si dhe kapjen e menjëhershme të disa personave të cilët dyshohet të jenë të përfshirë në rastin në fjalë. Të lënduarit nga përleshja janë dërguar në QKMF, për trajtimin e nevojshëm mjekësor”- thuhet në njoftim.
Policia ka njoftuar se sekuestruar një armë zjarri që dyshohet të jetë ajo e përdorur në rast.
“Ndërkohë që është identifikuar edhe një veturë e dyshuar e njëjta është ndaluar dhe kontrolluar nga policia, me ç ‘rast policia ka gjetur dhe sekuestruar një armë zjarri që dyshohet të jetë arma nga e cila është shkrepur”- thuhet në njoftim.
Policia ka njoftuar se aktualisht po vazhdon puna policore për sqarimin e plotë të rrethanave që karakterizojnë ngjarjen.
