Gjykata Kushtetuese ka njoftuar se ka marrë në shqyrtim padinë e bërë nga deputetët e opozitës kundër marrëveshjes me Italinë për emigrantët.
Ky vendim i Gjykatës Kushtetuese vjen në një kohë kur mazhoranca socialiste kishte parashikuar për ta miratuar marrëveshjen në seancën e kësaj të enjteje.
Në këtë mënyrë, pezullohet automatikisht procedura e ratifikimit në Kuvend të marrëveshjes me Italinë.
Po ashtu, Holta Zacaj pas vendimit në një komunikim me gazetarët bëri me dije se kjo vendimmarrje do i njoftohet menjëherë Kuvendit, i cili është i detyruar të ndërpresë procedurat parlamentare për ratifikimin në seancën plenare.
“Kushtetuesja” ka vendosur vetëm për ankimin e bërë nga 30 deputetët e PD, ku janë edhe Bardhi e Berisha.
Ndonëse në Kushtetuese është paraqitur edhe një ankim i firmosur nga Lulëzim Basha, Kushtetuesja ende nuk e ka marrë në shqyrtim./euronews.al
Tags: marreveshja per migrantetMelonRama
