Kryeprokurori i Gjykatës Ndërkombëtare Penale tha të hënën se po kërkon urdhër-arreste për liderët izraelitë dhe të Hamasit, përfshirë kryeministrin izraelit Benjamin Netanyahu, në lidhje me veprimet e tyre gjatë luftës shtatë mujore.
Karim Khan tha se ai beson se Netanyahu, ministri i tij i mbrojtjes Yoav Gallant dhe tre liderë të Hamasit – Yehya Sinëar, Mohammed Deif dhe Ismail Haniyeh – janë përgjegjës për krimet e luftës dhe krimet kundër njerëzimit në Rripin e Gazës dhe Izrael.
Duke folur për veprimet izraelite, Khan tha në një deklaratë se “efektet e përdorimit të urisë si një metodë lufte, së bashku me sulmet e tjera dhe ndëshkimet kolektive kundër popullatës civile të Gazës janë akute, të dukshme dhe të njohura gjerësisht. … Ato përfshijnë kequshqyerjen, dehidratimin, vuajtjet e thella dhe një numër në rritje të vdekjeve në mesin e popullatës palestineze, duke përfshirë foshnjat, fëmijët e tjerë dhe gratë”, tha ai raport AP.
Për veprimet e Hamasit më 7 tetor, ai tha se pa vetë “skenat shkatërruese të këtyre sulmeve dhe ndikimin e thellë të krimeve të pandërgjegjshme të akuzuara në aplikimet e paraqitura sot. Duke folur me të mbijetuarit, dëgjova se si dashuria brenda një familjeje, lidhjet më të thella midis një prindi dhe një fëmije, u shtrembëruan për të shkaktuar dhimbje të pamatshme përmes mizorisë së llogaritur dhe pashpirtësisë së skajshme. Këto akte kërkojnë përgjegjësi.”
