Halil Geci përmes një shkrimi në Facebook u ka bërë thirrje deputetëve të zgjedhur të Kuvendit që ta votojnë koalicionin fitues LVV-Guxo.
Ai kërkoi nga partitë opozitare që të lënë anash inatet dhe interesat e ngushta personale dhe ta votojnë qeverinë Kurti 3.
Në rast se nuk e bëjnë këtë gjë, Geci paralajmëroi pasoja për partitë opozitare, përcjell “Bota sot”.
Shkrimi i plotë
O ju deputetë të zgjedhur të popullit,
Kushdo nga deputetët e zgjedhur që e votojnë qeverinë Kurti 3, përjetësisht do të jetë i nderuar dhe, në syrin e qytetarëve, do të ruhet me respekt dhe kujtim të përjetshëm!
Këshillë për të gjithë ata deputetë që veprojnë me integritet dhe që ndihmojnë në ndërtimin e institucionet që pasqyrojnë vullnetin e qytetarëve, duke respektuar votën e qytetarëve që u shfaqën në zgjedhjet e 9 shkurtit.
Në ato zgjedhje, kualifikimi i VV-së dhe Lista Guxo fitoi bindshëm – mbi të gjitha partitë opozitare – lëni mënjanë inatet dhe interesat e ngushta personale dhe partiake, dhe ndihmone fituesin që ta ndërton qeverinë se Kosova është mbi të gjitha.
Mos u bëni krah i interesave serbe, se përndryshe do të përballeni me pasoja të rënda. Ruajuni dhe mos gaboni që të përsëritën zgjedhjet e jashtëzakonshme, mos përsëritni gabimin e rrëzimit të kabinetit “Kurti 1” – sepse do t’ju godasë kabineti “Kurti 3”, ma keq se që iu patë goditur “Kurti 1”.
