1
Kryetari i AAK-së, Ramush Haradinaj, ka kujtuar Betejën e Koshares ku tha se u shemb kufiri ndërshqiptar dhe u ngrit përgjithmonë krenaria kombëtare.
Haradinaj tha se në Koshare u vulos me gjak e sakrificë se shqiptarët nuk pranojnë kurrë nënshtrimin.
“Në këtë tokë të lavdisë, trimat e UÇK-së zhvilluan njërën nga betejat më heroike të luftës sonë për liri. Përulemi me nderim para heronjve, Agim Ramadani, Sali Çekaj, Xhemajl Fetahaj dhe gjithë dëshmorëve të Brigadës 138 – brigadë, që mbetet simbol i guximit dhe unitetit tonë kombëtar”.
“Në po të njëjtën datë kur nderojmë heronjtë e Koshares, kujtojmë me respekt të thellë edhe 28 luftëtarët e Brigadës 162 “Agim Bajrami” të Kaçanikut, që ranë heroikisht 26 vjet më parë në fushëbetejë”, shkroi Haradinaj.
Tutje, Haradinaj u shpreh se përulen edhe para kujtimit të 32 martirëve të ekzekutuar mizorisht te “Prroi i Rakocit” dhe në “Lagjen e re”.
“Derisa nderojmë dëshmorët dhe martirët e luftës sonë çlirimtare, kujtojmë se liria që gëzojmë sot ka ardhur me sakrifica të mëdha. Ishte pikërisht lufta e UÇK-së që na solli Aleancën me NATO-n e udhëhequr nga Amerika”, shkroi ai.
