Kryetari i Aleancës për Ardhmërinë e Kosovës, Ramush Haradinaj, bashkë me kolegë, kanë marrë pjesë në shënimin e 10-vjetorit të Nismas Socialdemokrate.
Haradinaj me këtë rast ka thënë se partneriteti me këtë parti i nënshkruar javë më parë do t’i sjellë fitore vendit.
“Gëzuar 10-vjetorin e themelimit, Nisma! Sot në emër të Aleancës e urova Kryetarin Limaj, strukturat udhëheqëse dhe përkrahësit e Nismës Socialdemokrate me rastin e shënimit të 10-vjetorit të themelimit të saj. Njëkohësisht i falënderova për partneritetin opozitar, si fitore për Kosovën”, ka shkruar Haradinaj.
“Të vetëdijshëm për vështirësitë që po kalon vendi, vetëm të bashkuar do t’i sjellim fitore Kosovës”.
