Sot nis shënimi i 27 vjetorit të Epopesë së UÇK-së.
Minsitrja Albulena Haxhiu, në këtë ditë heroike ka thënë se kujtojmë heroizmin dhe sakrificën e dhënë për lirinë dhe pavarësinë e Kosovës, familjes Jashari në krye me komandantin legjendar, Adem Jashari.
“E paharruar është sakrifica e Jasharëve dhe e të gjithë atyre që dhanë jetën për lirinë e Kosovës!”, shkruan ajo.
Postimi i plotë:
Në 27-vjetorin e Epopesë së Ushtrisë Çlirimtare të Kosovës, me nderim të thellë kujtojmë heroizmin dhe sakrificën e dhënë për lirinë dhe pavarësinë e Kosovës, familjes Jashari në krye me komandantin legjendar, Adem Jashari.
Rënia heroike e Jasharajve në Prekaz, i dha Kosovës një trashëgimi të pashlyeshme dhe frymëzim të pa shuar për luftën për liri.
Heroizmi i Jasharëve do të jetë përjetësisht dritë udhërrëfyese për ardhmërinë e Kosovës së lirë.
E paharruar është sakrifica e Jasharëve dhe e të gjithë atyre që dhanë jetën për lirinë e Kosovës!
