Ministrja e Drejtësisë, Albulena Haxhiu ka reaguar edhe njëherë në lidhje me deklarimin e Kryeprokurori i Prokurorisë Speciale të Republikës së Kosovës, Blerim Isufajt, i cili tha se kishte dhënë pëlqimin për heqjen e urdhërarrestit të Milan Radoiqçiq në vitin 2021.
Haxhiu, ka kërkuar nga Isufaj që në vend të reagimeve të përgjigjet që pse u tërhoq urdhërarresti për Radoiçiqin.
“Në vend të reagimeve kundrejt deklarimeve tona, Blerim Isufaj, le të përgjigjet vetëm në pyetjen se pse u tërhoq urdhëarresti për kryekriminelin Radojçiq në vitin 2021? Po të mos hiqej fletarresti me 2021 ndoshta nuk do të kishte Bajnskë 2023. Mos të tentojë të ikë nga thelbi i çështjes!”, shkroi Haxhiu.
Ndërkohë, kryeministri Albin Kurti ka thënë dje se është për t’u habitur fakti se edhe pse Radoiçiqi e ka pranuar pjesëmarrjen në sulm, ende nuk ka aktakuzë.
Përndryshe, Isufaj dje në konferencën e fundvitit pranoi që kishte dhënë pëlqimin, duke mos dhënë komente për arsyeje.
