![](https://i0.wp.com/www.fiks.al/wp-content/uploads/2024/07/haxhiu-ne-podujeve-u-gjeten-mbetje-mortore-dyshohet-se-jane-te-nje-personi-te-zhdukur-me-dhune-gjate-luftes_66a3b4b95b745.jpeg?resize=850%2C567&ssl=1)
Ministrja e Drejtësisë, Albulena Haxhiu ka njoftuar se janë gjetur mbetjet mortore të një individi që dyshohet të jetë nga lista e personave të zhdukur me dhunë nga lufta e fundit.
Në një postim në Facebook ministrja ka bërë të ditur se mbetjet mortore janë gjetur në varrezat e Tjegullores në Podujevë, ndërsa gërmimet po vazhdojnë për gjetjen e personave të tjerë.
Postimi i plotë:
Sot, në varrezat afër Tjegullores në Podujevë, ekipet mjeko ligjore nga IML, me mbështetje nga EULEX, në bashkëpunim me Policinë e Kosovës dhe KQPZH, kanë arritur të lokalizojnë mbetjet mortore të një individi që dyshohet të jetë nga lista e personave të zhdukur me dhunë nga lufta e fundit.
Gërmimet janë duke vazhduar ende në kërkim edhe të individëve të tjerë.