Kryeministri Edi Rama ka publikuar pamjet e një qytetari, i cili në kulmin e sezonit hedh mbetjet në rrugë.
Sipas kryeministrit, 1 milionë lekë gjobë për këtë person nuk mjaftojnë, ndërsa paralajmëron se sanksionet do të rriten.
“1 milionë lekë gjobë nuk mjaftojnë për zotërinë që në kulm të sezonit në Golem, i hedh mbetjet në rrugë, sepse sanksionet për këta ndotës të pacipë duhen rritur me se s’bën për ta mbrojtur Shqipërinë nga ky soj kaq i papërgjegjshëm.
Përgëzim dhe inkurajim i fortë për Policinë e Shtetit që të mos e ulë vigjilencën ndaj akteve dhe denoncimeve të krimit mjedisor”, shkruan Rama.
