![](https://i0.wp.com/www.fiks.al/wp-content/uploads/2023/06/hoxhaj-diskuton-per-themelimin-e-institutit-parlamentar-me-drejtoreshen-e-ndi-se_647f42503117d.jpeg?resize=850%2C591&ssl=1)
Nënkryetari i Kuvendit të Kosovës, Enver Hoxhaj, ka takuar sot drejtoreshën e Institutit Kombëtar Demokratik (NDI) në Kosovë, Nancy Soderberg.
Hoxhaj përmes një postimi në rrjetin social Facebook, ka njoftuar se ka zhvilluar një takim me ambasadoren Nancy Soderberg, drejtoreshë e Institutit Kombëtar Demokratik (NDI) në Kosovë.
Në shkrim thuhet se diskutuan për idenë e themelimit të një Instituti Parlamentar, i cili, sipas Hoxhajt, do ta fuqizojë Kuvendin e Kosovës në avancimin e mbikëqyrjes dhe transparencës në institucion.
“Gjithnjë kënaqësi ta pres në zyrë ambasadoren Nancy Soderberg, drejtoreshë e Institutit Kombëtar Demokratik (NDI) në Kosovë. Diskutuam për idenë e themelimit të një Instituti Parlamentar, i cili do ta fuqizojë Kuvendin e Kosovës në avancimin e mbikëqyrjes dhe transparencës në institucion.”, ka shkruar ai.