Ish-ministri i Jashtëm, Enver Hoxhaj, e sheh si mundësi të artë këtë kohë për t’u anëtarësuar Kosova në NATO, pas zhvillmeve që ndodhën në Banjskë të Zveçanit.
Ai tha se po flitet vetëm për mënaxhimin e krizës në Veri dhe tha se nuk po sheh vizion të Qeverisë për proces politik.
“Gjatë këtyre 8 ditëve kemi folë vetëm për menaxhimin e krizës në Veri dhe njëjtë po folë edhe Osmani e Kurti dhe të tjerët në Qeveri dhe unë nuk po shoh vizion për një proces politik. A duam ne përveç ta mbrojmë sovranitetin, a duhet ta përmbyllim shtetndërtimin tonë në koordinim me partnerët. E shoh mundësi të artë edhe për ta anëtarësuar Kosovën në NATO në këtë kohë, është mundësi e artë”, tha ai në Pressing, transmeton Gazeta Express.
“Siguria është prioriteti i parë”, shtoi ai.
Sipas tij, dyert e Kosovës mund të hapen.
