Ivana Stradner, një bashkëpunëtore hulumtuese e Fondacionit Amerikan për Mbrojtjen e Demokracisë dhe eksperte për luftën hibride, propagandën ruse dhe dezinformimin, shkroi në Twitter për të paralajmëruar se mediat e regjimit nën kontrollin e Aleksandar Vuçiqit po përpiqen t’i hedhin benzinë zjarrit dhe nxisin urrejtje.
“Propaganda serbe dhe ruse vazhdon t’i hedhë benzinë zjarrit në Ballkan. Tani, ata pretendojnë se ‘vehabistët’ po përdorin një terren stërvitor ushtarak për të praktikuar gjuajtjen në Bosnje dhe Hercegovinë.
Ata po ushtrojnë që të mund të sulmojnë serbët”, ka shkruar ajo në X.
Strander paralajmëroi për shkrimet e mediave të regjimit të Vuçiqit, para të gjithë tabloidit Informer, por edhe të mediave të tjera besnike ndaj regjimit.
