Ka vdekur në moshën 87-vjeçare profesori universitar Shefki Sejdiu.
Prof.dr. Shefki Sejdiu ka qenë edhe deputet në legjislaturën e parë të Kuvendit të Kosovës nga radhët e PDK-së.
Lajmin për vdekjen e prof. Shefki Sejdiut e kanë dhënë familjarët e tij përmes rrjeteve sociale.
Profesor Shefki Sejdiu ishte profesor në Degën e gjuhës dhe letërsisë franceze në Universitetin e Prishtinës, ku ka ligjëruar Historinë e gjuhës frënge me frëngjishte të vjetër, dhe Gjuhë latine.
Po ashtu, profesor Sejdiu ka edukuar breza të tërë duke dhënë mësim në rrethinën e Kumanovës, në Gjimnazin e Podujevës si dhe në Gjimnazin “Sami Frashëri” në Prishtinë.
Profesori Sejdiu ka qenë pjesë e disa asociacioneve shkencore ndërkombëtare.
