Profesori dhe analisti politik Enver Bytyçi, e ka komentuar intervistën e fundit të kryeministrit shqiptar, Edi Ramës.
Rama në këtë intervistë ka thënë se, Serbia i shikon interesat e veta dhe nuk i sheh interesat e shqiptarëve.
Për këtë, profesori pyet se pse Rama u shërbeu interesave të Serbisë për një dekadë radhazi?
Postimi i plotë:
Zoti Rama sot paska dhënë një intervistë te një televizion i shit-blerë disa herë, derisa shkoi në duart e Devollëve! Në këtë intervistë ai thotë se “… nuk diskutohet që Serbia shikon interesat e veta, nuk sheh interesat tona”!
Derisa kryeministri i Shqipërisë e ditka që Serbia nuk sheh interesat tona, pse për një dekadë radhazi ky kryeministër pa dhe u shërbeu interesave të Serbisë?! Paradoksi është se edhe kur përpiqet të sillet pak më ndryshe, Rama e bën këtë në funksion të egos së tij dhe nuk e bën as në interes të publikut as në interes të Kosovës e të Shqipërisë!
Pushteti mbi gjithçka! Kjo e motivon kryeministrin e Shqipërisë! Prandaj nuk ia nin as për refleksion, as për gjë tjetër!
