Princi William dhe vëllai i tij më i vogël Princi Harry, të cilët dikur ishin shumë të afërt veçanërisht pas vdekjes së nënës së tyre, Princeshës Diana, aktualisht janë në mosmarrëveshje dhe janë përfolur për një përçarje mbretërore vitet e fundit.
Duke folur për ‘The Sun’, eksperti mbretëror Charles Rae ka pohuar se Princesha Diana do të zhgënjehej nëse do të shihte që djemtë e saj William dhe Harry nuk ishin më “sa më afër që të ishte e mundur” – siç kishte shpresuar gjithmonë.
Komentatori mbretëror tha se William dhe Harry ishin “me të vërtetë, shumë afër, por tani janë kaq larg njëri-tjetrit.”
“Kjo është ajo që Diana kishte dashur gjithmonë, djemtë të qëndrojnë sa më afër. Ata kishin njëri-tjetrin dhe ishin ata kundër pjesës tjetër të botës, por sigurisht që tani nuk po ndodh,” -pohoi ai.
Eksperti mbretëror Charles Rae i bëri këto komente disa ditë përpara kthimit të Princit Harry në Mbretërinë e Bashkuar për Lojërat Invictus.
