Kryetari i Kuvendit të Malit të Zi, Andrija Mandiq, i ka bërë publike gjashtë kërkesat e paralajmëruara nga Vuçiq për situatën e serbëve në Kosovë.
Sipas një njoftimi të Mandiqit në X, Serbia kërkon që të ketë “zgjedhje të lira” të organizuara sa më shpejt që të jetë e mundur në veri të Kosovës.
ADVERTISEMENT
Kërkesa tjera janë që 700 policë serbë që ishin tërhequr nga institucionet e Kosovës, të rikthehen menjëherë në vendet e tyre të punës.
Po ashtu është kërkuar që edhe zyrtarët serbë të sistemit të drejtësisë të kthehen në vende pune.
Po ashtu Beogradi ka kërkuar edhe formimin e Asociacionit të komunave me shumicë serbe si dhe lirimin e të gjithë serbëve “të arrestuar për motive politike”.
Kërkesa e gjashtë e Serbisë ka qenë që të zgjidhet çështja e bllokimit të pjesshëm të importeve nga Serbia.
Mandiq këto deklarime i ka bërë pas takimit me ambasadorin e Serbisë në Podgoricë, Nebojsha Rodiq.
Vuçiq të martën pas takimit me Lajçak tha pas 72 orëve do t’i prezantojë ato që i ka quajtur kërkesa të Serbisë “për shkak të sulmeve substanciale dhe brutale ndaj popullsisë serbe në veri të Kosovës”.
ПРЕДСЈЕДНИК МАНДИЋ РАЗГОВАРАО СА АМБАСАДОРОМ СРБИЈЕ
Предсједник Скупштине Црне Горе Андрија Мандић примио је данас са Њ. Е. Небојшу Родића, амбасадора Републике Србије, који му је том приликом пренио веома важне поруке званичног Београда.
Предсједник Мандић је, прије свега,… pic.twitter.com/lEI0OmExdE
— Андрија Мандић (@AndrijaMandicDF) September 11, 2024
