![](https://i0.wp.com/www.fiks.al/wp-content/uploads/2023/06/kurti-nuk-bejme-pazare_648ac5ba85212.jpeg?resize=850%2C504&ssl=1)
Kryeministri i Kosovës, Albin Kurti në konferencën pas mbledhjes së Këshillit të Sigurisë është pyetur nga gazetarët, nëse do të pranonte shkëmbimin e serbit të arrestuar ditë më parë në veri me lirimin e tre policëve të kidnapuar një ditë më parë.
“Tre policët që janë rrëmbyer nga njësia speciale e Serbisë kanë qenë aty në një rrugë që dikur ishte ilegale. Përballë tyre kanë pasur njësitë serbe, në anën tjetër ne e kemi një kriminel serb si Llune që nuk është bërë kriminel me 26 maj por ka dosje të trashë të shkeljeve ligjore të kryera në Kosovë”.-tha ai.
Në Kosovë ka sundim ligji, arrestimi i Llunes i ka hedhur në panik kriminelet. Ata nuk e kanë besuar se kjo do të ndodhte ndonjëherë. Nuk krahasohen këto dy raste, nuk bëjmë pazare ne kemi sundim ligji u shpreh Kurti duke shtuar tutje se nuk dinë që Beogradi ka kërkuar shkëmbim.
“Për çfarë shkëmbimi po flisni, Kosova është vendi me lirinë më të madhe të mediave, por unë u kisha sugjeruar të mos flisni në emër të Begoradit se nuk i kontribuoni sigurisë në vendin tonë”, tha Kurti.