Këngëtarja shqiptare me famë botërore, Dua Lipa, po përballet me një padi të re nga muzikanti Bosko Kante. Ky i fundit pretendon se ylli i muzikës pop dhe shtëpia e saj diskografike, “Warner Music Gruop”, nuk morën kurrë lejen e tij për të përfshirë regjistrimin e tij “Talk Box” në remikset e këngës së saj “Levitating”.
Bosko Kante ka thënë në padi se përdorimi i performancës së tij në tri remikse të këngës hit të Dua Lipa-s shkelte të drejtën e tij të autorit, duke përmendur një marrëveshje gojore që pjesa që muzikanti krijoi me pajisjen e tij elektronike të përdoret vetëm në regjistrimin origjinal të këngës.
