Miroslav Lajçak, emisar i Bashkimit Evropian për dialogun Kosovë-Serbi, ka zhvilluar një sërë takimesh me zyrtarë të lartë italianë gjatë vizitës në Romë.
Tema e diskutimi ka qenë dialogu Kosovë-Serbi, që lehtësohet nga Brukseli zyrtar.
Pas kësaj vizite Lajçak ka thënë se do të niset për në Maltë.
“Udhëtova këtu sot për një sërë takimesh me partnerët tanë italianë. Diskutuam për zhvillimet e fundit në Dialogun për normalizimin e marrëdhënieve ndërmjet Kosovës dhe Serbisë, çështjet më të gjera rajonale dhe hapat e ardhshëm në muajt e ardhshëm. Sot, u takova me Fabrizio Saggio, Këshilltarin Diplomatik të Italisë, Zëvendës Sekretarin e Përgjithshëm në Ministrinë e Punëve të Jashtme Carlo Lo Cascio dhe drejtorin e Adriatikut dhe Ballkanit Andrea Cascone. Unë jam mirënjohës për mbështetjen e vazhdueshme të Italisë dhe koordinimin e ngushtë në përpjekjet tona të përbashkëta. Nga Roma, nesër do të nisem për në Maltë për një seri tjetër konsultimesh të rëndësishme”, ka thënë Lajçak përmes një postimi në Facebook.
Ai ka tregur edhe për pjesën tjetër të agjëndës së tij, duke përfshirë edhe konferencën e Sigurisë së Mynihut, gjatë javës së ardhshme. Ai ka theksuar nevojën urgjente për normalizimin e marrëdhënieve ndërmjet Kosovës dhe Serbisë, duke shtuar se “ky normalizim është thelbësor për stabilitetin e rajonit, zhvillimin ekonomik dhe përparimin drejt Bashkimit Evropian”.
“Në fillim të kësaj jave, ndërsa isha ende në Bruksel, mirëprita Dora Bakoyannis, Raportuese për Komisionin e Çështjeve Politike të PACE, në selinë tonë. Kemi shkëmbyer përditësime në dosjet tona përkatëse. E informova për dialogun Beograd-Prishtinë dhe ajo më informoi për punën e saj në muajt e fundit”.
“Pjesa më intensive e javës së kaluar ishte padyshim Konferenca vjetore e Sigurisë në Mynih të fundjavës së kaluar. Kam marrë pjesë në ngjarje të shumta të fokusuara në Ballkanin Perëndimor, duke përfshirë një panel diskutimi publik për të ardhmen e Ballkanit Perëndimor, ku theksova nevojën urgjente për normalizimin e marrëdhënieve ndërmjet Kosovës dhe Serbisë. Ky normalizim është thelbësor për stabilitetin e rajonit, zhvillimin ekonomik dhe përparimin drejt Bashkimit Evropian”.
“Përtej sesioneve zyrtare, Konferenca e Sigurisë së Mynihut ofroi gjithashtu një platformë të vlefshme për t’u lidhur me partnerë, kolegë dhe miq nga e gjithë bota. Këto ndërveprime janë thelbësore për të ndjerë pulsin mbi zhvillimet më të fundit në rajone të ndryshme të botës dhe për të formuar opinione për çështje komplekse globale”, ka thënë Lajçak.
