Emisari evropian për dialogun Kosovë-Serbi, Miroslav Lajçak ka marrë pjesë në konferencën “Ballkani Perëndimor në kontekstin aktual të sfidave dhe kërcënimeve të sigurisë” në Greqi.
Përmes një postimi në platformën X ai tha se në këtë konferencë mes tjerash ka folur për aspektet e sigurisë së dialogut Kosovë-Serbi.
Lajçak bëri të ditur se atje ka diskutuar edhe për sfidat dhe rreziqet në Ballkan.
I dërguari i BE-së për dialogun mes Prishtinës dhe Beogradit ishte i pranishëm në këtë konferencë me ftesë të ministrit grek të Mbrojtjes, Nikos Dendias.
