Qeveritarët kanë dal në terren për ta shikuar nga afër zjarrin në Prevallë.
Zëvendës ministri i Mjedisit, Planifikimit Hapësinor dhe Infrastrukturës, Jeton Raka është deklaruar për rastin.
“Bashkë me Ministrin Liburn Aliu jemi në Prevallë, ku zjarri ka kapluar malin Oshlak dhe është shpërndarë edhe në majën e Arnenit. Fatmirësisht zjarri nuk rrezikon banorët e fshatit dhe pronat e tyre, mirëpo rrezikohet natyra, biodiversiteti dhe ekosistemi.
Si Ministri e Mjedisit bashkë me Agjensionin për Mbrojtjen e Mjedisit, DAPK Sharri dhe institucionet tjera po bëjmë përpjekje maksimale për të lokalizuar dhe shuar zjarrin, ka shkruar ai.
