Anëtarja e Kryesisë së Lidhjes Demokratike të Kosovës, Jehona Lushaku-Sadriu ka reaguar pas bojkotimit të pritjes shtetërore për Ditën e Çlirimit, nga ambasadorët e QUINT-it.
Lushaku-Sadriu tha se ata që investuan me gjithë arsenalin për të na çliruar, nuk janë me në për të festuar.
“Ambasadorët e shteteve perëndimore paskan bojkotuar pritjen e presidentes për Ditën e Çlirimit. Ata që intervenuan me gjithë arsenalin për të na çliruar, ata nuk janë sot me ne për të festuar.”, Shkruan Lushaku-Sadriu në Facebook.
Tutje ajo pyeti se “me çfarë të drejte pushtetarët na sollën në këtë pozitë?!”
Sipas saj, kjo është një humbje për Kosovën nga siç tha ajo, “papërgjegjësia, padituria e kryeneqësia e Qeverisë Kurti dhe e presidentes Osmani.”
