Kryetarja e Forumit të Gruas të Lidhjes Demokratike të Kosovës, Jehona Lushaku-Sadriu, ka rënditur humbjet qe do të ketë Kosova si pasojë e masave të ndërmarra nga Bashkimi Evropian.
Në një postim në Facebook, Lushaku-Sadriu është shprehur se këto masa paraqesin humbje kapitale për Kosovën.
“Qindra mijëra euro çdo vit nga BE janë investuar për ndërtimin, funksionimin e evropianizimin e Kosovës, domethënë për ta bërë dhe integruar shtetin tonë në NATO e BE. Këto fonde nuk do të vijë më. U fillua me përjashtimin e Kosovës nga Programi i Evropës Digjitale dhe do të vazhdojë me programet e tjera të arsimit, sundimit të ligjit e bujqësisë. Këto investime do të duhet të bëhen me taksat tona, pra me buxhetin e Kosovës, në vend se të bëheshin me fondet e BE-së” ka thënë Lushaku-Sadriu.
Tutje, ajo është shprehur se me fondet e BE-së do të digjitalizoheshin shkollat dhe universitetet e vendit, digjitalizim ky që tani duhet të paguhet nga taksat e qytetarëve.
“Projekte me IPA 3, që do të duhej të investoheshin në bujqësi, arsim, infrastrukturë, rend e ligj e mirëqeverisje në vlerë prej 630 milion euro do të anulohen për Kosovën” shtoi ajo.
Lushaku-Sadriu njoftoi se pritet që edhe programi i studimeve Erasmus- të ndërpritet.
Ky është njoftimi i plotë i saj:
Humbje kapitale për Kosovën
Qindra mijëra euro çdo vit nga BE janë investuar për ndërtimin, funksionimin e evropianizimin e Kosovës, dmth për ta bërë dhe integruar shtetin tonë në NATO e BE. Këto fonde nuk do të vijë më. U fillua me përjashtimin e Kosovës nga Programi i Evropës Digjitale dhe do të vazhdojë me programet e tjera të arsimit, sundimt të ligjit e bujqësisë. Këto investime do të duhet të bëhen me taksat tona, pra me buxhetin e Kosovës, në vend se të bëheshin me fondet e BE-së.
Në vend se shkollat e universitetet të digjitalizoheshin me fondet e BE-së tani do të duhet të paguhet nga taksat tona. Të gjitha institucionet do të mund të digjitalizoheshin duke rritur efikasitetin e shërbimeve për qytetarë.
Projekte me IPA 3, që do të duhej të investoheshin në buqësi, arsim, infrastrukturë, rend e ligj e mirëqeverisje në vlerë prej 630 milion euro do të anulohen për Kosovën.
Pritet që edhe programi Erasmus+ të ndërpritet, pra studentët të cilët kanë fituar bursa me programet e BE-së që nga semestri i ardhshëm nuk do të mund t’i shfrytëzojnë ato.
Politikë qeveritare me rezultate fatale për vendin!
