Aktorja dhe moderatorja e njohur Jonida Vokshi një muaj më parë është bërë nënë për herë të dytë.
Ylli televiziv ka sjellë në jetë një djalë të cilin së bashku me bashkëshortin e saj Besnik Krapi e kanë pagëzuar me emrin Ian.
Ndonëse Jonida është një nënë e përkushtuar ndaj dy fëmijëve të saj, ajo gjen kohën edhe për fansat me të cilët shpesh herë ndan momente nga përditshmëria e saj.
Që pas lindjes së djalit ajo publikon foto me dy fëmijët e saj, mirëpo portretin e të voglit akoma nuk e ka zbuluar duke treguar vetëm disa pjesë të trupit të tij.Së fundmi ajo ka zhvilluar një bisedë virtuale me ndjekësit në Instagram, ku një ndër pyetjet që fansat i bënë ishte se pse nuk e poston djalin në rrjetet sociale, ndërsa ajo ka treguar se është shumë xheloze për djali e saj dhe nuk dëshiron që ta ndajë atë me fansat.
“Mamat qenkan shumë xheloze për çunat, e dua vetëm për vete”, ka shkruar Jonida.
