Përfaqësuesi i Nismës Socialdemokrate, Fatmir Matoshi, tha se, edhe pse Nisma ka vetëm tre deputetë në Kuvendin e Kosovës, ata mund të jenë të rëndësishëm në konstelacionin politik në vend. Por deri më tani, nuk ka pasur ndonjë bisedë, iniciativë apo takim me subjektet e tjera politike në vend sa i përket themelimit të institucioneve të reja të Republikës së Kosovës të dala nga zgjedhjet e 9 shkurtit.
Matoshi tha se Nisma nuk do të votojë për qeverinë e re nëse nuk merr përgjegjësinë në qeveri, pasi kjo do të ishte kundër vullnetit të votuesve të Nismës.
Ai nuk mohoi se mund të ketë ndonjë takim joformal nga Nisma me zyrtar të VV-së, pasi mund të ketë ndonjë mik dhe, normalisht, temë diskutimi mund të jetë themelimi i institucioneve, por deri tani nuk ka pasur ndonjë takim zyrtar.
Matoshi ka thënë në emisionin RTK Prime se zgjedhjet e reja nuk i përshtaten askujt që të mbahen në rast të dështimit të krijimit të qeverisë së Kosovës.
Sipas tij, secili duhet të parandalojë që zgjedhjet e parakohshme të ndodhin, pasi ka qenë një proces shumë i mirë dhe demokratik.
Ai tha se Kurti e ka në dorë themelimit të institucioneve të reja të Republikës së Kosovës, pasi që Kosova nuk mund të jetë peng.
