Nga objekti i Komunës së Zveçanit është hequr sot mbishkrimi në gjuhën cirilike, i cili ka qenë deri vonë, si dhe rrethoja rreth objektit.
Siç raporton portali nga veriu Kosovo-Online, disa punëtorë po vendosnin sot kamera të reja para Komunës.
Në murin pranë derës së hyrjes është vendosur një tabelë me mbishkrimin “Republika e Kosovës”.
Para ndërtesës së komunës është parkuar një automjet i blinduar si dhe një veturë e Policisë së Kosovës.
Kujtojmë se më 25 shkurt, pjesëtarët e KFOR-it u tërhoqën para ndërtesës së Komunës në Zveçan dhe deri atëherë kishte mbetur tabela me mbishkrimin “Komuna e Zveçanit” në cirilikjen serbe. Një muaj pas largimit të tyre, tabela u hoq.
