Mbrojtja e ish-kreut të UÇK-së, Kadri Veseli, gjatë ballafaqimit në seancë me trupin gjykues, për faktin e vonesës së procesit gjyqësor special, ka thënë se njëra ndër shkaqet që ky proces gjyqësor po vijon me vonesa, është se gjyqtarët po nxjerrin pika të reja të cilat nuk janë përdorur as nga Prokuroria e Specializuar.
Avokatja Kerrie Ann Rowan, u ka thënë të pranishmëve, trupi gjykues po nxjerr pyetje të cilat nuk ishin parashikuar fare as nga mbrojtja.
”Trupi gjykues tani merr një kohë të konsiderueshme, që është më shumë se koha që duan të gjitha ekipet e mbrojtjes së bashku. Çfarë ndodhë me pyetjet e gjykatësve është që shpesh trupi gjykues zbulon aspekte të reja, të cilat s’i ka përdorur Prokuroria tek provat e veta. Trupi gjykues nxjerr dëshmi që nuk janë specifikuar përpara nga Prokuroria, dhe gjithashtu bëjnë pyetje në lidhje me aspektet që s’i ka parashikuar as mbrojtja në pyetjet e veta. Dhe ne jemi krejt të papërgatitur dhe kjo më pas ndikon te koha që na nevojitet për të bërë pyetjet, në bazë të pyetjeve të gjykatësve”, tha ajo.
”Sigurisht për këtë nevojitet më shumë kohë. Do iu lutesha trupit gjykues që edhe ju të merrni parasysh kohën që ju duhet për të bërë pyetje, sidomos kur përdoren dokumente, kur trajtohen fusha të reja. Më mirë fokusohuni tek ato aspekte, që ka planifikuar paraprakisht ZPS-ja”.
Ndryshe, ish-kryetari i Kuvendit të Kosovës, Kadri Veseli, në fjalën e tij në sallën gjyqësore i është drejtuar trupit gjykues për dy çështje.
E para siç tha ai ka të bëjë me kohëzgjatjen e procesit gjyqësor dhe e dyta ka të bëjë personalisht me të si i akuzuar.
Ai ka thënë se dikush duhe ttë japë përgjegjësinë e vendimarrjes që ky proces para popullit të Kosovës të jetë jo vetëm transparent por edhe të ruajë dhe garantojë një gjykim të drejtë dhe në kohë të arsyeshme.
