Në kryeqytetin e Maqedonisë së Veriut, Shkup, u mbajt takimi i liderëve të Ballkanit Perëndimor, ku u bisedua për Planin e rritjes ekonomike të Bashkimit Evropian për shtetet e rajonit.
Ndërkohë, kreu i Partisë Socialdemokrate në Kosovë, Dardan Molliqaj, ka dhënë një deklaratë kritike lidhur me pozitën e Kosovës në këtë kontekst.
Sipas Molliqaj, pa zbatimin e angazhimeve të marra nga kryeministri Albin Kurti, Kosova nuk pritet të përfitojë asnjë lloj ndihme financiare apo mbështetje nga Bashkimi Evropian.
“Gjendja është e qeshur në një farë mënyre, pasi Kosova mbetet i vetmi vend që përjeton masa punitive – kjo për shkak të pranimit nga ana e Qeverisë së Kosovës të Aneksit të Ohrit. Ky është rasti i parë që Kosova përballet me ndëshkime nga BE-ja për moszbatim të marrëveshjeve. Kryeministri i Kosovës ka qenë i pari që ka pranuar hapur se, nëse nuk i respektojmë angazhimet e marra, atëherë do të ndëshkohemi nga BE-ja”, deklaroi Molliqaj.
“Pa përmbushjen e detyrimeve nga ana e Kryeministrit Kurti, nuk do të kemi asnjë cent apo mbështetje nga Bashkimi Evropian. Është e turpshme të pretendohet se ka përparime në këtë fushë, ndërsa në të vërtetë jemi nën sanksione për krijimin e një autonomie për serbët brenda Kosovës. Të pretendosh përparim nën këto kushte është hipokrizi. Përparimi nuk ekziston nën hijen e sanksioneve nga komuniteti që synojmë të integrohemi. Nuk duhet të pranojmë një diskurs të tillë; ai nuk shërben për interesin tonë”, u shpreh ai.
