2
Skandali i salmonelës ka tronditur vendin tonë, teksa tonelata me mish pule të infektuar thuhet se janë hedhur në treg.
Dyshohet se me mish të infektuar me salmonelë janë shitur, teksa në markete ndodhen akoma produkte të rrezikshme ndërkohë që qytetarët janë në alarm.
Ndërkohë blogerja e njohur e ushqimit Valbona Lasku ka treguar kujdesin që duhet të kemi kur gatuajmë pulën dhe pse nuk duhet ta lajmë para se ta gatuajmë atë.
“Këshilla kryesore që kemi mësuar ne nga Siguria Ushqimore është të mos lani pulën, dhe kjo nuk është një shaka se njerëzit e marrin pulën dhe e lajnë sikur e fërkojnë. Gjithë këto pika që spërkaten në banakun tonë të gatimit, mund ta marrë domatja, kastraveci, thika, edhe ajo druri i prerjes.
Duhet që pasi keni prerë pulën mos të prisni gjë tjetër por ta lani me një solucion. Sepse me ujë nuk ikën ajo se është gjallesë e gjallë, nuk mund të ikë, ajo duhet larë me një solucion të përshtatshëm pastaj të presësh gjëra të tjera, ose të presësh perimet më parë. Kjo është edhe me mishin e kuq jo vetëm me mishin e pulës, por salmonella jeton në mishin e shpendëve, dhe nëse ti I ndan, një prerëse të ndryshme për mishin një tjetër për perimet, nuk ndodh kontaminimi. Se ajo pika e pulës që po lan mund të shkojë dhe te qumështi që po zien dhe ja ku u sëmure nga qumështi që po pi”, tha Lasku.
