Qyteti Kansas, SHBA, është tronditur nga lajmi për vdekjen tragjike të një vajze 5-vjeçare, e cila u përdhunua dhe u vra në një kamp të pastrehëve në pyll pasi fqinjët thanë se nëna e saj e kishte dëbuar nga shtëpia së bashku me të babain dhe motrat e saj.
Vogëlushja Zoe Felix u gjet e plagosur të hënën në një pikë karburanti pranë vendit ku jetonte me familjen e saj.
Vajza e vogël, e cila gjithashtu kishte pësuar abuzim seksual, u dërgua me urgjencë në spital, por mjekët nuk mundën ta shpëtonin.
I dyshuari kryesor për krimin e tmerrshëm është një 25-vjeçar Mikel G. Cherry, i cili u arrestua për përdhunimin dhe vrasjen e vajzës.
Sipas banorëve, i riu ka jetuar më parë për një kohë në të njëjtën shtëpi me vogëlushen, prindërit dhe motrën e saj, përpara se nëna e Zoes t’i nxirrte të gjithë nga shtëpia.
Familja e vajzës mësohet se ka qenë problematike vitet e fundit. Vogëlushja nuk shkonte në kopsht dhe shëtiste rrugëve gjithë ditën pa mbikëqyrje.
Disa anëtarë të komunitetit kujdeseshin herë pas here t’i jepnin rroba, ushqim dhe e mbanin për disa orë në shtëpinë e tyre në mënyrë që ajo të lahej dhe të pushonte./5pyetjet.al
