Për kidnapimin e tre zyrtarëve policorë brenda territorit të Republikës së Kosovës ka reaguar edhe presidentja e Kosovës,Vjosa Osmani.
Ajo tha se ky akt dëshmon edhe njëherë se Serbia nuk është e interesuar për paqe e stabilitet në rajon, por për të shkaktuar destabilizim të Kosovës dhe gjithë rajonit.
“Akti i sotëm dëshmon se Serbia vazhdon të veprojë me logjikën e së kaluarës, tendencat hegjemoniste të së cilës kanë shkaktuar krime të tmerrshme dhe shumë viktima.Policia e Kosovës ka treguar përkushtim e vendosmëri për ta ruajtur rendin dhe ligjin për të gjithë qytetarët pa dallim, ndaj një akt i tillë kërkon një reagim të ashpër dhe veprim të unifikuar të komunitetit ndërkombëtar ndaj tendencës së Serbisë për destabilizim të rajonit”- ka shkruar Vjosa Osmani në Facebook.
Tutje ajo ka shtuar se zyrtarët policorë duhet të lirohen menjëherë dhe pa asnjë kusht!
