Nuk ka dyshim se shumica e njerëzve lodhen shumë gjatë ditës. Pra, kjo do të thotë që në rrethana normale, pas një dite të gjatë, të gjithë duhet të bien automatikisht në një gjumë të thellë sapo të vënë kokën mbi jastëk.
Megjithatë, kjo nuk duket se konfirmohet, pasi një përqindje e konsiderueshme e njerëzve përballen me vështirësi për të rënë në gjumë, pavarësisht lodhjes së ditës. Në fakt, shumë prej tyre mund të “rrotullohen” në shtrat për orë të tëra derisa më në fund të bien në gjumë, ndërsa të tjerët mund të kalojnë netë të tëra zgjuar, edhe nëse kanë provuar të gjitha mënyrat e provuara dhe të testuara për t’i ndihmuar ata të flenë, si pije të ngrohta ose suplemente.
Një metodë ushtarake që pretendon se bën mrekulli është bërë trend së fundmi në internet, duke u bërë shpejt e njohur në mesin e përdoruesve të mediave sociale.
Teknika u prezantua për herë të parë në TikTok nga trajneri Justin Agustin, i cili e quajti atë një zgjidhje “eksituese” për problemin e pagjumësisë. Sipas të dhënave të internetit, në fakt, kjo metodë duket se ka një shkallë suksesi prej 96% .
Çfarë duhet të bëni?
- Poziciononi trupin tuaj në një pozicion të rehatshëm
- Përqendrohuni në frymëmarrjet tuaja. Merrni disa frymë thellë dhe filloni të relaksoni çdo pjesë të trupit tuaj, nga koka te këmbët.
- Gradualisht relaksoni të gjithë trupin, derisa të ndiheni sikur po dilni nga trupi juaj. Relaksoni sytë, faqet, nofullën dhe fokusohuni në frymëmarrjen tuaj./vizionplus.tv/
