U bë një javë që po vazhdojnë kërkimet për gruan që është hedhur nga ura e Fshajt, në Gjakovë.
Zëdhënësi i Policisë së Kosovës për rajonin e Gjakovës, Lumni Graishta tregoi se ende nuk është gjetur trupi i gruas që ra nga ura e Fshajt.
Ai tha se kërkimet ende po vazhdojnë.
“Kërkimet ende po vazhdojnë. Deri më tani nuk ka ndonjë gjetje”, ka thënë Graishta.
Ndryshe, tri ditë më parë Forca e Sigurisë së Kosovës, patën njoftuar se kërkimet janë duke vazhduar për 59 vjeçaren e zhdukur.
