Mes përplasjeve të ashpra po mbahet Komisioni Hetimor lidhur me nivelin e menaxhimit të marrëdhënies së punës të anëtarëve të Shërbimit të Jashtëm dhe zyrtarëve të Ministrisë së Punëve të Jashtme dhe Diasporës.
Shkak janë bërë mospajtimet për hartimin e listës së dëshmitarëve për intervistim në komision.
Deputetët e mazhorancës propozuan listë të veçantë, ndërkaq opozitarët listë tjetër.
Këta të fundit kërkuan që komisioni të fokusohet vetëm në periudhën 2021-2024, ndërkaq pushtetarët kërkuan që hetimi të zhvillohet prej vitit 2011.
Përplasjet dhe ofendimet u zhvilluan ndërmjet deputetes së LVV-së Arbëreshë Kryeziu Hyseni dhe deputetes së PDK-së, Ariana Musliu-Shoshi.
